१४ मंसिर, बिराटनगर ।
प्रधानमन्त्री केपी शर्मा ओलीले निर्णायक भन्दै सत्तारुढ र प्रतिपक्षी सहित बोलाएको उच्चस्तरीय वार्तामा समय अभावको कारण देखाउँदै अनुपस्थित हुने बताएका मधेशी नेताहरु आन्दोलन चर्काउने प्रशिक्षणमा जुटेका छन् ।
हिँजो बिराटनगरमा सार्वजनिक सभा गरेका मधेशी दलका नेताहरुले कार्यकर्तालाई प्रशिक्षण दिने भन्दै काठमाडौं नआएका हुन् ।
उपेन्द्र यादवको निजी निवासमै कार्यकर्ता प्रशिक्षणको तयारी भैरहेको स्थानीय सञ्चार माध्यमले जनाएका छन् ।
नाकाबन्दी खुलाउने र मधेश आन्दोलन निम्ट्याउने निर्णायक पहलः सार्थक होला !
सरकारले वार्तामा गम्भिरता नदेखाएको भन्दै आरोप लगाइरहेका मधेशी नेताहरुले प्रधानमन्त्रीले बोलाएको उच्चस्तरीय बैठकलाई भने महत्वहिन बनाइदिएका छन् ।