२९ मंसिर, काठमाडौं ।
शाहरुख खान र काजोल अभिनित बलिउडको बहुप्रतिक्षित चलचित्र ‘दिलवाले’ नेपालमा प्रदर्शनका लागि महंगोमा खरिद गरिएको छ ।
नेपाली बितरक कम्पनी दर्शना आर्टस् ले अहिले सम्मकै सबैभन्दा बढी रकम तिरेर यो चलचित्र नेपालमा रिलिज गर्न लागेको हो ।
यो चलचित्र ल्याउनका लागि दर्शना आर्ट्स ले १ करोड ४० लाख भारु अर्थात २ करोड रुपैयाँ तिरेको जनाएको छ ।
हिन्दी चलचित्रको नेपालमा वितरण गर्ने यो कम्पनीले शाहरुख र काजलको पुर्नमिलन गराइदिएको ‘दिलवाले’लाई क्रेज अनुसार महंगो हालेको हो ।
भिडियो हेर्नुस्
११० भन्दा बढी नेपाली हलमा चलाउनका लागि बुक भैसकेको यो चलचित्रमा शाहरुख र काजोल सहित, बरुण धवन, कृती सेन लगायत कलाकार छन् ।
शाहरुख र काजोलको जोडीले दिलवाले दुलहनिया ले जायंगे, कुछकुछ होता, कभि खुसि कभि गम जस्ता चलचित्रबाट ठुलो सफलता हासिल गरेका थिए ।