२८ फागुन, काठमाडौं ।
फेसबुकमा सुसाइड नोट लेखेर आत्महत्या गर्ने तयारी गरेका एक युवकलाई नेपाल प्रहरीले बचाएको छ । फेसबुकमा आत्म हत्या गर्ने सन्देश सहितको नोट लेखेका झापाका युवकलाई प्रहरीले बचाएको हो ।
फेसबुकमा आत्महत्या गर्ने सम्बन्धि स्टाटस लेखेपछि उनको फेसबुक क्रियाकलाप शून्य पाइएको र थप अनुसन्धान गरेर उनलाई जोगाउन सफल भएको प्रहरीले जानकारी दिएको छ । बिहीबार आफ्नो फेसबुकमा आत्महत्या सम्बन्धी नोट लेखेका ती युवकलाई प्रहरीले शुक्रबार फेला पारेको थियो ।
युवकको उद्दारपछि प्रहरीले आफ्ना छोराछोरीको सम्भावित क्रियाकलापमा निगरानी राखि दुर्घटनाबाट जोगिन अभिभावहरुलाई आग्रह गरेको छ ।
प्रहरीले भनेको छ, “अभिभावकहरुले आफ्ना किशोर किशोरी छोराछोरीहरुको कृयाकलाप माथी विषेश अभिरुची राखी सम्भावित खतराबाट जोगिन आवश्यक सल्लाह, सुझाव र निग्रानी राख्न हुन महानगरीय अपराध महाशाखा अनुरोध गर्दछ ।”
