१८ कात्तिक , काठमाडौं ।
भारतीय अखबार अमर उजालाले नेपालका प्रधानमन्त्री केपी ओलीले भारतसँग निहुँ खोजेको भन्दै हेडलाइन बनाएको छ ।
भारतले लगाएको आर्थिक नाकाबन्दी खुलाउनका लागि ओलीले भारतलाई चुनौती दिएपछि कुटनीतिक टकरार बढेको अमर उजालामा समाचार लेखिएको छ ।
बीरगञ्जमा भारतीय नागरिक मारिएपछि भारतबाट सेना पठाउन लागिएको आशंका नेपालका मन्त्रीले समेत बोलेको कुरालाई मुख्य विषय बनाएको छ । ओलीले मधेश आन्दोलनमा भारतले मद्दत गरेको भनेर समेत आरोप लगाएको समेत अमर उजालाको समाचारमा उल्लेख छ ।
प्रचण्ड नेतृत्वको पार्टी एकपटक पुनः विभाजित भएको भन्दै समेत अमर उजालाले हेडलाइन बनाएकोछ । एमाओवादीबाट अलग भएकाहरु बाबुराम भट्टराई तिर लागेको समाचारमा उल्लेख छ ।
पछिल्लो समयमा प्रधानमन्त्री ओलीले बोलेका कुरालाई लिएर भारतीय सञ्चार माध्यममा विशेष चर्चा र हेडलाइन बनिरहेका छन् ।
