२३ बैशाख, काठमाडौं । स्थानीय तहको चुनाव नजिकिएसँगै दलहरुले चुनावी प्रचारप्रसारलाई तिब्रता दिएका छन् । चुनाव उठेका उमेद्बार र दलहरुको घरदैलोले टोल टोलमा चुनावी माहौल तातेको छ ।
यहिबीचमा नेपाल चलचित्र क्षेत्रका महानायक राजेश हमाललाई पनि चुनाव लागेको छ । उनी नेकपा एमालेको चुनावी प्रचारप्रसारको र्यालीमा सहभागी भएका छन् ।
काठमाडौं महानगरपालिका वडा नम्बर २६ का उमेद्बार देवेन्द्र रिमालको घरदैलो कार्यक्रममा आज विहान हमालले साथ दिएका हुन् । यसअघि राष्ट्रियताको पक्षमा अडान लिँदा उनले केपी ओलीको प्रशंसा गरेका थिए ।
