एजेन्सी।
एप्पल कम्पनीले बजारमा भित्र्याउन लागेको ४-इन्चको नयाँ आइफोनको बारेमा फेरि अर्को खबर प्राप्त भएको छ। ४-इन्चको आइफोन-५एसईमा १२ मेगापिक्सेलको रियर क्यामेरा हुने र यसको मूल्य ४०० देखि ५०० अमेरिकी डलर सम्म पर्ने उक्त रिपोर्टले बताएको छ। यस मूल्यलाई नेपाली रुपैयाँमा बदल्ने हो भने- रु.४३,७९२ देखि रु.५४,७४० पर्न जान्छ।
यहि मार्चमा लञ्च हुने भनिएको आइफोन-५एसईको लञ्चपश्चात आइफोन-५, ५एस र ५सीको मूल्य ५०% ले घट्ने जानकरी उक्त रिपोर्टबाट प्राप्त भएको छ। एप्पलले पहिल्यैदेखि नै कुनै नयाँ फोन निकाल्नेबित्तीकै पुरानो फोनहरूको निर्माण बन्द गरेर त्यसको मूल्य घटाउने गरेको छ।
५ सिरिजका आइफोनहरूको मूल्य घटाउने भएकै कारणले एप्पल कम्पनीले नयाँ आइफोन-५एसईको निर्माण मात्रामा पनि २० मिलियनबाट १२ मिलियनमा घटाउने निर्णय गरेको छ। सानो स्क्रीन मनपराउने प्रयोगकर्ताहरूले नयाँ महङ्गो फोन किन्नुको सट्टा पुरानो सस्तो आइफोन-५ नै किन्ने कम्पनीले विश्वास गरेको छ।
