२५ कात्तिक, कुश्मा बजार ।
एमाओवादी महासचिवव कृष्णबहादुर महराले भारतले नेपालको संघीय सीमाङ्कनमा समेत खेल्न खोजेको आरोप लगाएका छन् ।
बुधबार पर्वतको कुश्मा बजार पुगेका महराले भारतले नेपालका प्राकृतिक साधान र श्रोतमा आफ्नो अनुकुलता पर्ने गरि संघीयता चाहेको टिप्पणी गरे ।
नेपालको जलस्रोत र अन्य प्राकृतिक सम्पदामा आफ्नो नियन्त्रण कायम रहने गरी मात्र नेपालमा संघीय राज्य बनुन् भन्ने भारतको चाहाना रहेको र सोही चाहाना पुरा हुने नदेखेपछि नाकाबन्दी लगाएर झुकाउन खोजेको महराले बताए ।
मधेश आन्दोलनमा उठेका मागहरु भने केही जायज रहेको बताएका महराले जायज माग पुरा हुन धेरै कुर्नु नपर्ने जानकारी दिए ।
पार्टीले उपप्रधान तथा गृहमन्त्री बनाएर पठाएको अवस्थामा समेत महरालाई गृहमन्त्री बन्न नदिन भारतीय पक्षबाट समेत चलखेल भएको बताइन्छ ।